काठमाडौ । प्रहरी प्रधान कार्यालयले लामो समयदेखि गैरहाजिर रहेका २७ प्रहरी कर्मचारीलाई तुरुन्तै कार्यस्थलमा फर्किन निर्देशन दिएको छ। उनीहरूको नाम, ठेगाना र गैरहाजिर भएको मिति सार्वजनिक गर्दै कार्यालयले ‘बाटोको म्याद’ बाहेक सात दिनभित्र अनिवार्य हाजिर हुन आग्रह गरेको हो।

कार्यालयले हाजिर हुन आउने क्रममा गैरहाजिर रहनुको स्पष्ट र सन्तोषजनक कारण नबुझाए सम्बन्धित प्रहरीमाथि कानुनअनुसार कारबाही हुने चेतावनी समेत दिएको छ। कार्यालयका अनुसार निरन्तर गैरहाजिर बस्नु सेवा आचारसंहिताविरुद्ध भएकाले कडाइका साथ अनुशासनिक प्रक्रिया अघि बढाइनेछ।