सर्लाही, फागुन ९ – हरिपुर्वा नगरपालिकामा रहेको सब – स्टेशनबाट बिहिवार देखि विधिवत् रूपमा विद्युत् प्रसारण सुरू गरिएको छ।
सब-स्टेशन सञ्चालनमा आएपछि हरिपुर्वा नगरपालिकाका सबै वडासहित सोकनाहा र पर्सा गाउँपालिकाका विभिन्न स्थानहरू—सितलपुर, सङ्ग्रामपुर, र नारायणपुरमा विद्युत् आपूर्ति सुरू गरिएको छ।
विद्युत् प्रसारणको दायरा विस्तार गर्ने क्रममा शुक्रबार देखि जिङ्गरवा, पर्सा, र कबिलासी क्षेत्रमा पनि विद्युत् सेवा उपलब्ध गराइने छ। स्थानीय बासिन्दाहरूले अब निर्बाध रूपमा विद्युत् सेवा पाउने आशा गरिएको छ।
