अरोज यादव । सर्लाही, ३ फागुन – नेपाल समाजवादी पार्टी (नयाँ शक्ति) को पहिलो जिल्ला अधिवेशन सम्पन्न भएको छ, जसअन्तर्गत सर्लाहीबाट राजेशकुमार सिंह केन्द्रीय सदस्यमा निर्वाचित भएका छन्।
यसअघि सम्पन्न महाधिवेशनमार्फत डा. बाबुराम भट्टराईको नेतृत्वमा ९९ सदस्यीय केन्द्रीय समिति गठन भएको थियो। मधेशी केन्द्रीय सदस्य (खुल्ला) तर्फ सिंहले ३८८ मत प्राप्त गरी जित हासिल गरे भने मधेशी केन्द्रीय सदस्य (युवा) तर्फ दीपक महतो ४०८ मतसहित निर्वाचित भए।
नवनिर्वाचित केन्द्रीय सदस्य सिंहले सर्लाहीमा पार्टी संगठनलाई वडा तहसम्म विस्तार गर्ने प्रतिबद्धता व्यक्त गरेका छन्।
