सर्लाही – सिन्धुलीको सुनकोशी गाउँपालिका-७ मा मोटरसाइकल दुर्घटनामा परेका सर्लाहीका एक युवक बेपत्ता भएका छन्। सुनकोशी नदी किनारमा फेला परेको मोटरसाइकल र झोलामा भेटिएको बिलबुकका आधारमा सर्लाहीको बरहथवा नगरपालिका-७ का युवक दुर्घटनामा परेका हुन सक्ने प्रहरीको अनुमान छ।
दुर्घटनाबारे जानकारी खुर्कोटस्थित इलाका प्रहरी कार्यालयलाई राति ८ बजे प्राप्त भएको थियो। त्यसपछि सुरु गरिएको खोजी कार्य अझै जारी रहेको प्रहरीले जनाएको छ।
प्रहरीले ज१०प २६०४ नम्बरको मोटरसाइकल र झोला नदीबाट बाहिर निकालेको छ। जिल्ला प्रहरी कार्यालय सिन्धुलीका अनुसार दुर्घटना कहिले र कसरी भयो भन्ने स्पष्ट नभए पनि घटनाबारे थप अनुसन्धान जारी छ।
बेपत्ता युवकको खोजी कार्य तीव्र पारिएको प्रहरी स्रोतले जनाएको छ।
