काठमाडौं । लोकतान्त्रिक समाजवादी पार्टी (लोसपा)का पूर्वमहामन्त्री देवेन्द्रकुमार यादव नेपाली कांग्रेसमा प्रवेश गरेका छन् ।
बिहीबार पार्टी केन्द्रीय कार्यालयमा आयोजित कार्यक्रममा सभापति शेरबहादुर देउवाले यादवलाई सदस्यता प्रदान गर्दै औपचारिक स्वागत गरे ।
तत्कालीन सद्भावना पार्टी हुँदै राष्ट्रिय जनता पार्टी र त्यसपछि लोसपामा सक्रिय रहेका यादव पछिल्लो समय राजनीतिक रूपमा निष्क्रिय थिए । कांग्रेसमा प्रवेश गर्नुअघि यादवको कांग्रेस सहमहामन्त्री महेन्द्र यादव र मधेस प्रदेश सभापति कृष्ण यादवसँग विस्तृत संवाद भएको बताइन्छ ।
कांग्रेस नेतृत्वका अनुसार यादवलाई छिट्टै केन्द्रीय सदस्यको जिम्मेवारी दिइने तयारी भइरहेको छ ।
