सरोज यादव । सर्लाही : प्राईम टाईम टेलिभिजनका सर्लाही जिल्ला संवाददाता र सौर्य अनलाइन खबरका प्रधान सम्पादक विपेन्द्र कुमार साहमाथि शुक्रबार गरिएको सांघातिक हमलाको विरोधमा प्रतिनिधि सभा सदस्य रामप्रकाश चौधरीले आईतवार संसदको शून्य समयमा आवाज उठाएका छन् ।
सर्लाहीको मलंगवा स्थित मालपोत कार्यालयमा पर्सा गाउँपालिका वडा नं. २ का राजकपुर मण्डल र उनका १० – १५ जनाको समूहले साहमाथि कुटपिट गरेका थिए । साहले मण्डललाई १५ लाख रुपैयाँ दिएको र रकम फिर्ता नगरेपछि अदालतमा मुद्दा दर्ता गरिएको थियो । जनकपुर अदालतले साहको पक्षमा फैसला गरेपछि मण्डलले साहमाथि हमला गरेको जानकारी दिइएको छ । यस घटनाले प्रेस स्वतन्त्रता र कानूनी शासनप्रति गम्भीर प्रश्न उठाएको छ ।
त्यस्तै, मिटर ब्याज संघर्ष समितिको नाममा हमला गर्ने समूहले केही दिन अघि साहु राम बाबु यादवमाथि पनि जिल्ला अदालत सर्लाहीमा तारिख लिन गएको बेला अदालतको मूल गेट अगाडि हमला गरेका थिए । यो घटनाले पुनः न्यायिक प्रक्रिया र स्थानीय सुरक्षा प्रणालीमा प्रश्न उठाएको छ ।
साहु राम बाबु यादवले आफ्नो सुरक्षाको लागि जिल्ला प्रशासन कार्यालय सर्लाही र जिल्ला प्रहरी कार्यालय सर्लाहीमा ज्ञापन पत्र बुझाएका थिए । यसले सुरक्षा प्राधिकरणसँग सख्त कदम चाल्नको लागि दबाब दिएको छ । प्रमुख जिल्ला अधिकारी तुलसीबहादुर श्रेष्ठले घटनामा अनुसन्धान र कारवाही प्रक्रिया अघि बढाउने कुरा बताएका छन् ।
