अरोज यादव । सर्लाही, फागुन २९ – जनमत पार्टीले केन्द्रीय समिति बैठकमार्फत “मिसन U 24” अभियान सुरु गरेको छ। अभियानको उद्देश्य स्थानीयस्तरमा पार्टी संगठनलाई बलियो बनाउँदै पालिका, वार्ड र बुथ तहसम्म कमिटी निर्माण गर्नु रहेको छ।

जनमत पार्टीका सर्लाही जिल्ला इन्चार्जका अनुसार जिल्लाभरका २० वटा पालिका र २०० वटा वडामा यो अभियान सञ्चालनमा छ। अभियानअन्तर्गत जनतासँग प्रत्यक्ष संवाद, घरदैलो कार्यक्रम तथा संगठन विस्तारका गतिविधिहरू गरिनेछ।

पार्टीका नेताहरूले “मिसन U 24” लाई संगठन सुदृढीकरणका लागि महत्वपूर्ण भन्दै सबै कार्यकर्तालाई सक्रिय रूपमा सहभागी हुन आह्वान गरेका छन्। पार्टीको रणनीति अनुसार आगामी निर्वाचनलाई लक्षित गरी यो अभियान अघि बढाइएको जनाइएको छ।