सर्लाही, २०८१ माघ १० – “समुदाय-प्रहरी साझेदारी” कार्यक्रम अन्तर्गत सर्लाही जिल्लाका विभिन्न इलाका प्रहरी कार्यालयहरूले जनचेतनामूलक कार्यक्रम सम्पन्न गरेका छन्। कार्यक्रम इ.प्र.का. मुर्तिया, प्रहरी चौकी त्रिभुवन नगर, सिसौट, गोरखाकाली, र अस्थायी प्रहरी पोष्ट सोल्टी बजारले संयुक्त रूपमा आयोजना गरेका थिए।
उक्त कार्यक्रममा स्थानीय जनप्रतिनिधि, भद्रभलादमी, बुद्धिजीवी, समाजसेवी र स्थानीय नागरिकहरूको उल्लेखनीय उपस्थिति थियो। कार्यक्रममा लागुऔषध दुरुपयोग, लैङ्गिक हिंसा, बहुविवाह, चिसोबाट बच्ने उपाय, र जबरजस्ती करणी जस्ता समाजमा गम्भीर असर पार्ने विषयहरूप्रति जनचेतना अभिवृद्धि गर्ने उद्देश्यले विभिन्न गतिविधि र छलफलहरू सम्पन्न गरियो।
प्रमुख वक्ताहरूले समाजलाई सुरक्षित र समृद्ध बनाउन समुदाय र प्रहरीबीचको सहकार्य अपरिहार्य रहेकोमा जोड दिए। साथै, यस्ता सचेतनामूलक कार्यक्रमहरूले समाजलाई सकारात्मक परिवर्तनतर्फ डो-याउने विश्वास व्यक्त गरे।
स्थानीय समुदायले कार्यक्रमप्रति सकारात्मक प्रतिक्रिया जनाउँदै यस्ता गतिविधि निरन्तर आयोजना गर्न आग्रह गरेका छन्। कार्यक्रमले समाजमा जनचेतना फैलाउन महत्वपूर्ण भूमिका खेल्ने अपेक्षा गरिएको छ।
