सर्लाही – नेकपा एमालेका अध्यक्ष तथा पूर्वप्रधानमन्त्री केपी शर्मा ओली पार्टी प्रवेश कार्यक्रममा सहभागी हुन् सर्लाही सदरमुकाम मलंगवा आउने भएका छन् ।
एमाले सर्लाहीले विभिन्न उपसमितिहरु गठन गरेर कार्यक्रमको तयारी अघि बढाएको छ । केपी ओली मेयर र अन्य नेताहरूलाई पार्टी प्रवेश गराउन वैशाख ३ गते मलंगवा आउने भएका हुन् ।
मलंगवा स्थित कबड हलमा वृहत आम सभाको तयारी भइरहेको र एक लाख मान्छे मलंगवामा एमालेले उतार्ने नेकपा एमाले सर्लाही जिल्ला अध्यक्ष राज नारायण साह ले बताए । सोही कार्यक्रममा सर्लाहीको कविलासी नगरपालिकाका मेयर कौशल किशाेर यादव र अन्य नगर तथा गाउँपालिकाका जनप्रतिनिधिहरू एमाले प्रवेश गर्ने भएका छन् ।
यादव २०७४ सालको निर्वाचनमा राजपाबाट मेयर निर्वाचित भएका थिए भने एमाले तेस्रो स्थानमा थियो । हाल जसपामा रहेका यादव तत्कालीन मधेसी जनअधिकार फोरमको जिल्ला अध्यक्ष पनि थिए ।
एमाले राजमार्ग क्षेत्रबाट भित्र आफ्नो प्रभाव बनाउने क्रममा मेयर यादवसहित विभिन्न नगरपालिका र गाउँपालिकाका निर्वाचित तथा दोस्रो स्थानमा रहेकाहरुलाई वैशाख ३ गते पार्टी प्रवेश गराउने तयारीमा छ,मञ्च व्यवस्थापन उप समिति सदस्य तथा युवा नेता शमीम बाबु खान ले जानकारी गराउनु भएको छ।
