श्रावण ७, सर्लाही । नगर विकास कोषका नव नियुक्त सदस्य सन्दीप मिश्रद्वारा आयोजित नेपाल सरकारको सेवाबाट अवकाश प्राप्त तथा रिटायर कर्मचारीहरुको समान्न कार्यक्रम सम्पन्न भएको छ ।
सर्लाहीको रामनगर गाउँपालिका भित्रका अवकाश प्राप्त तथा रिटायर्ड विभिन्न निकायका कर्मचारीहरुलाई समान्न गरिएको स्थानिय अरुण प्रसाद यादवले जानकारी दिए ।
कार्यक्रममा आफ्नो वक्तव्य राख्दै नगर कोषका सदस्य सन्दीप मिश्रले सरकारको सेवाबाट अवकाश प्राप्त कर्मचारी अनुभवको खानी , संघर्षको ज्यूँदो नमूना र भावी पिढीलाई सकरात्मक दिशातर्फ उत्प्रेरित गर्न महत्वपूर्ण योगदान दिनसक्ने व्यक्ति भएकाले उहाँहरुलाई समान गर्न पाउँदा निकै गौरवान्वित भएको बताए ।
कार्यक्रममा विशिष्ट अतिथि निजामती कर्मचारी संघको अध्यक्ष उमेश मिश्र , नेपाल रेडक्रस सोसाइटी रामनगर शाखाको अध्यक्ष राम पदार्थ राय यादव , डा. जगदेव प्रसाद यादव , एल. पी. मिश्र लगायतको उपस्थिति रहेको थियो ।
